Sa Bahay ni Auntie Part 1

College ako noon at nakitira ako sa tyahin ko na kapatid ni mama. Habang nakatira ako sa tyahin ko tumutulong ako sa pagtitinda sa sari-sari store nya. Marami akong karanasan doon na di ko malilimutan, ung iba masasaya, meron din nakakalungkot, nakakainis at ung di ko malilimutan ay ung mga bagay na naranasan ko na nakakapanindig balahibo. Di ko alam kung nakakatakot ba ito para sa ibang tao pero i-share ko nalang at kayo na ang humusga.

Ung una kong karanasan na nakakatakot ay noong isang beses na naiwan ako mag isa ng isang lingo sa bahay ng tyahin ko dahil nagbakasyon sya probinsya at di naman ako nakasama kasi may klase pa ako noon. Ung unang gabi ko doo na mag-isa ay natulog ako sa katre, medyo kinikilabutan ako pero di ko alam kung bakit. Pinatay ko na ung ilaw tapos pahiga ko ay humarap ako sa pader. Iba talaga ung pakiramdam ko, natayo ung mga balahibo ko at di ako makagalaw. Gusto ko sana humarap naman sa kabilang side ng higaan kasi parang nangangalay na braso ko pero parang naramdaman ko na may katabi ako. Gusto ko sana lingunin pero mas nangingibabaw ung kilabot na nararamdaman ko. Pinilit ko na matulog at sa di kalaunan ay nakatulog naman ako tapos bigla akong nagising kasi may naramdaman ako na parang pay humampas sakin. Napabalikwas ako ng bangon at napatalon sa higaan. Inabot ko ung switch ng ilaw, nung nag liwanag na ung ilaw napatingin ako sa orasan. Eksaktong alas dose na ng gabi, nakaramdam nanaman ako ng pangingilabot kaya di ko na pinatay ung ilaw. Antok na antok na ko pero pinipigilan ko na wag matulog dahil sa takot ko. At nung sumunod na gabi, nagising ule ako ng alas dose ng gabi dahil nakaramdam ako na may bumatok naman sakin kaya nung sumunod na mga gabi inaantay ko muna na lumipas ang alas dose ng gabi bago ako matulog. Nung makabalik na tyahin ko, di ko na kinuwento kasi di naman sya naniniwala sa mga multo saka di pa sya nakaranas kahit sya lang mag isa sa bahay nya.